Një hap më shumë drejt zhvillimit të qëndrueshëm!

Banka ProCredit prezanton kalkulatorin e parë në Kosovë për matjen e emetimeve të CO₂ për bizneset

Në kuadër të angazhimit të vazhdueshëm të Bankës ProCredit për një zhvillim ekonomik të qëndrueshëm dhe përgjegjshëm ndaj mjedisit, së fundi është lansuar Kalkulatori i parë i Emetimit të CO₂ në Kosovë, i cili i dedikohet Ndërmarrjeve të Vogla dhe të Mesme (NMVM). 

Kalkulatori i matjes së CO₂ ju ndihmon të matni saktë emetimet e biznesit tuaj dhe të ndërmerrni hapa të rëndësishëm drejt një të ardhmeje më të qëndrueshme. Është intuitiv, i lehtë për t’u përdorur dhe nuk kërkon të keni njohuri teknike.

Me ndihmën e këtij kalkulatori, biznesi juaj mund të:

• Llogarisë saktë emetimet e CO₂ nga aktivitetet e biznesit 
• Identifikojë burimet kryesore të emetimeve
• Identifikojë mundësitë për përmirësimin e praktikave të biznesit
• Të gjenerojë raporte të detajuara të emetimet e CO₂

Kalkulatori ofron llogaritje të personalizuara për sektorë të ndryshëm, përfshirë:

• Aktivitetet tregtare (transport, hotelieri, shërbime IT etj.),
• Bujqësinë (kultivimi i bimëve dhe blegtoria),
• Industrinë ushqimore, 
• Si dhe fusha të tjera 

Platforma është online dhe e hapur për çdo biznes në Kosovë. 
Përdorimi i kalkulatorit është plotësisht falas, si një formë mbështetjeje jo-financiare e ofruar nga Banka ProCredit për të mbështetur zhvillimin e qëndrueshëm në sektorin privat.
Sepse për ne, biznesi yt dhe mjedisi janë prioritet.